Raquel Martínez Uña Wonder Ponder argitaletxearen sortzaileetako bat da eta Filosofia, Literatura, Artea eta Haurtzaroari buruzko Nazioarteko Ikastaroaren (FLAI) zuzendarikidea. Wonder Ponder argitaletxea filosofian eta haur-literaturan espezializatuta dago, eta hamar urte daramatza harridura eta jakin-mina sortzen, galderak eragiten eta erantzun posibleak aztertzeko gogoa pizten. FLAI ikastaroa 2017az geroztik egiten da Albarracinen (Teruel) eta urtero diziplinarteko eta nazioarteko lau hizlari proposatzen ditu filosofiatik, literaturatik, artetik eta hezkuntzatik abiatutako galdera nagusi baten inguruan hausnartzeko.